El Prezıdenti Qasym-Jomart Toqaev bas basylymda jaryq kórgen «Abaı – rýhanı reformator» atty maqalasynda osyndaı sátte bir-birimizge qol ushyn berip, ózara mámile men yntymaǵymyzdy arttyra túsý asa mańyzdy ekenin aıtty. Prezıdent Uly kemeńgerdiń de jan-júregimen tilegeni jurtynyń amandyǵy men ultynyń tutastyǵy bolǵandyǵyn, sondyqtan búgingideı qıyn shaqta Abaı murasyna júginý óte ózekti bolyp otyrǵanyn jetkizdi.
«Abaı ónegesiniń quny dáýir almasqan saıyn artpasa, kemimeıdi. Ol barshaǵa túsinikti ári kúlli adamzatqa ortaq. Onyń qara óleń bolyp órilgen jáne qara sóz bolyp tógilgen oralymdy oılary áli kúnge deıin ómirlik baǵdar bolyp keledi.Ultynyń bolashaǵy úshin qam jegen uly oıshyl kúlli jurtshylyqty da mahabbat pen meıirimge úndedi. Aqynnyń osyndaı adamgershilik qaǵıdattary elimizdiń búgingi urpaqtary úshin de asa qajet», - dedi Qasym-Jomart Kemeluly.