Eýropa lıgasynyń jartylaı fınalyna «Manchester Iýnaıted» komandasy da joldama aldy, – dep habarlaıdy Egemen.kz.
«Qyzyl soıqandar» 1/4 fınaldyq oıynda Danııanyń «Kopengagen» klýbyn týrnırden yǵystyrdy. Negizgi ýaqytta esep ashylmaǵanymen qaýipti shabýyldar aıtarlyqtaı kóp boldy. Alaıda, jankúıerler goldy qosymsha berilgen 30 mınýttyq ekstra-taımda kóre aldy.
Kezdesýdiń 95-mınýtynda Andreas Bellann (Kopengagen) qarsylas komandanyń oıynshysyna dóreki oınap, aıyp alańynyń ishinde oıyn erejesin buzdy. Bas tóreshi Týrpen oılanbastan 11 metrlik aıyp dobyn belgiledi. Brýno Fernandesh («Manchester Iýnaıted») múmkindikti paıdalanyp, komandasyn alǵa shyǵardy. Esep – 1:0. Oıyn sońyna deıin esep ózgergen joq.
Sonymen MIý komandasy «Interden» keıingi Eýropa lıgasyna joldama alǵan ekinshi komanda.
Oıyn statıstıkasy:
MIý – «Kopengagen»
Soqqy – 26:9; Dál soqqy – 14:0; Buryshtama – 8:4; Ofsaıd – 4:1; Sary qaǵaz – 2:3; Qyzyl qaǵaz – 0:0; Oıynshy almastyrý – 5:5; Dopty ıelik etý – 54% - 46%.
Negizgi quram:
MIý: Romero (q), Magýaır (K), Beıı (Lındelıof), Van-Bıssaka, Ýılıams, Pogba, Fernandesh, Fred (Matıch), Marcıal (Maktomıneı), Reshford (Lıngard), Grınvýd (Mata)
«Kopengagen»: Ionsson (Q), Bellann, Boılısen (Bengtsson), Varela (Bartoles), Zeka (K), Stage (Mýdrajııa), Nelsson, Bıl (Ovedo), Falk (Vık), Daramı (Kaýfman), Vınd
Bas tóreshi: K.Týrpen (Fransııa);
Stadıon: Raın-Energı (Kıoln, Germanııa)