Qala ákimi Altaı Kólginov tańerteńgilik aralaý kezinde birqatar nysannyń qurylys barysymen tanysty. Bul týraly ol óziniń Instagram paraqshasynda jazdy, - dep habarlaıdy Egemen.kz.
"Imýnıtetti nyǵaıtyp, sportpen turaqty shuǵyldanýdyń qajettigin jaǵdaıdyń ózi kórsetip berdi. О́ndiris, Kóktal-2 jáne Jeleznodorojnyı eldi-mekenderinde iri dene shynyqtyrý - saýyqtyrý keshenderiniń qurylysy júrgizilip jatyr. Kelesi jyly taǵy bir qurylysty bastaımyz. Búgin jumys ýaqytyna deıin eldi-mekende ornalasqan birqatar nysannyń qurylys barysymen tanystym. Kóktal-2 eldi-mekeninde dene shynyqtyrý-saýyqtyrý kesheni ornalasqan ortalyqta sportpen shuǵyldanýǵa arnalǵan seksııalar, HQKO, poshta bólimshesi, polısııa pýnkti, aǵa býyn ókilderiniń arnalǵan klýb jáne t.b. bolady. Nysan kelesi jyly paıdalanýǵa beriledi. Kóktal-1 eldi-mekeninde eki mekteptiń qurylysyn júrgizemiz. Bireýi 1200 orynǵa eseptelse, ekinshisi 500 oryndyq (qoldanystaǵy oqý ornynyń aýmaǵynda ornalasqan). 2020 jyly barlyǵy 12 mektep salyp, paıdalanýǵa beremiz», - dep jazdy Altaı Kólginov.