Bul jóninde búgin aqparattyq-kommýnıkasııalyq ortalyqta ótken brıfıngte Densaýlyq saqtaý basqarmasy basshysynyń mindetin atqarýshy Tımırhan Varzılov málimdedi.
Onyń aıtýynsha, qaladaǵy epıdemııalogııalyq ahýal kúnnen-kúnge jaqsaryp, juqpaly aýrýǵa shaldyqqan naýqastardyń sany azaıýda.
"Shymkent qalasynda COVID-19 ınfeksııasymen kúreske medısınalyq uıymdarda 26 provızorlyq oryndar jumys istedi. Búgingi kúni provızorlyq oryndardyń 19 paıyzy ǵana jumys jasap, 81 paıyz tósek-oryndar bosady", - dep habarlady T.Vazılov.
Medısınalyq mekemeler tamyzdan bastap qalypty jaǵdaıdaǵy jumystaryn bastaǵan. Iаǵnı, naýqastar josparly túrde em qabyldaýyna bolady.
Sondaı-aq, 11 tamyzdaǵy jaǵdaı boıynsha qalada koronavırýs ınfeksııasyna shaldyqqan naýqastar sany – 5114, onyń ishine 2608 sımptomdy, 2506 sımtomsyz. Indetinen aıyqqandar sany 3865-ke jetti.
Aıta ketý kerek, elde jarııalanǵan karantın óńirdegi epıdemıologııalyq ahýaldyń jaqsarýyna oń áserin tıgizdi.