Ýkraınanyń «Shahter» komandasy Eýropa lıgasynyń jartylaı fınalyna shyqty. Týrnırdiń fınaldyq kezeńi Germanııada ótýde, – dep habarlaıdy Egemen.kz.
Shırek fınalda «kenshiler» Shveısarııanyń «Bazel» klýbynan 4:1 esebimen basym tústi. Jankúıerlersiz ótken matchta «Shahter» sapynan Moraes (2 mın.), Taıson (22 mın.), Patrık (75 mın. penaltıden), Dodo (88 mın.) gol soqsa, «Bazelden» Van Volfsvınkeldiń qanjyǵasy maılandy.
Bul keshte Taýlant Djakanyń aıtqany dál keldi. Oıyn aldynda «Bazeldiń» jartylaı qorǵaýshysy «Bazel» men «Shahter» arasyndaǵy kezdesýde kimniń favorıt ekenin aıtqan edi. «Shahter» myqty komanda. Tájirıbeli qorǵaýshylary bar jáne olar jınaqy oınap bir-birin jaqsy túsinise alady. Biz úshin óte qıyn qarsylas. Chempıondar lıgasynyń deńgeıindegi komanda. Meniń oıymsha bul kezdesýde «Shahter» – favorıt!».
«Shahter» jartylaı fınalda Mılannyń «Inter» komandasymen 17 tamyzda kezdesedi.
Fınaldyq oıyn 22 tamyzda ótedi.
Oıyn statıstıkasy:
«Shahter» – «Bazel»
Dopty ıelik etý – 55% – 45%; soqqy – 15:12; dál soqqy – 8:2; buryshtama – 7:8; ofsaıd – 2:5; sary qaǵaz – 2:2; oıynshy almastyrý – 5:4.
«Shahter»: qaqpashy – Pıatov (kapıtan); qorǵaýshylar – Matvıenko, Bondar, Krıvsov, Dodo; jartylaı qorǵaýshylar – Stepanenko, Antonıo (Maıkon), Taıson (Tete), Patrık (Kovalenko), Marlos (Solomon); shabýylshy – Moraes (Santos Pedro).
«Bazel»: qaqpashy – Nıkolıch; qorǵaýshylar – Petretta, van der Verff (Ramıres), Alderete, Vıdmer; jartylaı qorǵaýshylar – Fraı, Kampo, Djaka (Marshan); shabýylshylar – Pýlýlý, Artýr (Ademı), Shtoker (k) (Van Volfsvınkel).