Qazaqstan aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń 2020 jylǵy 11 tamyzdaǵy sheshimine sáıkes, Densaýlyq saqtaý mınıstrliginiń usynymdaryn, epıdemıologııalyq jaǵdaıdyń deńgeıin eskere otyryp, Dúnıejúzilik densaýlyq saqtaý uıymynyń (DDSU) kartasyna sáıkes 2020 jylǵy 17 tamyzdan bastap Birikken Arab Ámirlikterine, Belarýs Respýblıkasyna, Germanııaǵa, Nıderlandyǵa, Egıpetke, Ýkraınaǵa jáne Reseı Federasııasyna halyqaralyq reıster kezeń-kezeńmen jańartylady. Bul týraly Egemen.kz IIDM baspasóz qyzmetine silteme jasap habarlaıdy.
Mınıstrlik joǵaryda atalǵan elderdiń avıasııalyq organdarymen birlesip turaqty jolaýshylar reısterin qalpyna keltirý máselesin aldyn-ala pysyqtady. Osylaısha, bul elder sanıtarlyq-epıdemıologııalyq talaptarǵa sáıkes (termometrııa, áleýmettik dıstansııa, maska rejımi, PTR testileý jáne t.b.) Qazaqstanmen ushýdy qalpyna keltirýdi qoldaıdy.
Sonymen birge Reseıge ushý úshin Reseı tarapynan ruqsat talap etiletinin atap ótken jón.
Halyqaralyq baǵyttar boıynsha reısterdiń sany áýe qatynasy týraly úkimetaralyq kelisim negizinde jáne ár baǵyttaǵy áýe kemeleriniń kommersııalyq júktemesine baılanysty oryndalady.
Reıster men bıletterdi satý áýekompanııalardyń saıttarynda jarııalanǵan kestege sáıkes azamattardyń joǵaryda atalǵan eldermen memlekettik shekaralar arqyly ótýine shekteýler alynyp jáne Qazaqstan men tıisti elder belgilegen sanıtarlyq qaýipsizdik sharalary kúsheıtilgen jaǵdaıda, epıdemıologııalyq jaǵdaıdyń jaqsarýyna qaraı júzege asyrylatyn bolady.