Qostanaıda búgin temir jol aýrýhanasynyń janynan ashylǵan taǵy bir provızorlyq ortalyq jumysyn toqtatty, - dep habarlaıdy Egemen.kz.
Densaýlyq saqtaý basqarmasynyń málimetinshe, búgin atalmysh emdeý mekemesinen sońǵy 15 naýqas aıyǵyp shyǵyp, 5 naýqas qalalyq aýrýhanaǵa aýystyrylǵan. Al 3 naýqas túbirkúlez dıspanserine jatqyzylypty.
Provızorlyq stasıonarda 24-shilde men 12-tamyz aralyǵynda 116 naýqas emdelip shyqty. Temir jol aýrýhanasyna taıaý kúnderi tıisti sanıtarlyq tazalaý sharalary júrgizilmek. Klınıka kelesi aptadan bastap naýqastardy qalypty tártipte qabyldaı bastaıdy.
Aımaqta búginge deıin jalpy sany 370 provızorlyq tósek-oryn jabylǵan.
Qostanaı oblysy