Qazaq valsiniń koroli Shámshi Qaldaıaqovtyń 90 jyldyǵyna oraı, búgin Qostanaı oblysynyń mádenıet basqarmasy aımaq turǵyndaryna birneshe onlaın-joba tartý etti, - dep habarlaıdy Egemen.kz.
Búgin túste E.О́mirzaqov atyndaǵy oblystyq fılarmonııa ánshileri Shámshi ánderin oryndady. Onlaın konsert áleýmettik jeliler men jergilikti televıdenıe arqyly efırge shyqty.
"Munyń syrtynda I.Omarov atyndaǵy oblystyq qazaq drama teatry kópshilik kórermenge sazgerdiń ómiri men shyǵarmashylyǵynan syr shertetin «Ánim sen ediń» atty qoıylymdy usynyp otyr. Taıaýda ǵana sahnalanǵan týyndy aldyn ala beınetaspaǵa túsirilip, kompozıtordyń týǵan kúnine oraı jergilikti telearna arqyly kórermen nazaryna usynyldy, - dedi mádenıet basqarmasynyń basshysy Erlan Qalmaqov.
Qostanaı oblysy