Shetel ekstremısterimen birge áskerı áreketterge qatysý úshin el asyp ketken óz adamdarymyz azamattyǵynan aırylýy múmkin. Bul týraly Total.kz habarlady.
«Boevoe bratstvo» jergilikti soǵys pen áskerı qaqtyǵystar ardagerler odaǵynyń prezıdenti Sergeı Pashevıchtiń paıymdaýynsha, lańkestik áreketterge aralasý maqsatynda shetelge ketken otandastarymyzdy memleket qoldaýynan aıyryp, otanǵa oralýlaryna jol bermeý kerek.
«Qazaqstandyqtardyń Sırııaǵa qalaı ótip ketkeni jáne olardyń ne úshin ólimge bas tikkenderi ázirge belgisiz bolyp otyr. Sondaı-aq endi ol jaqtaǵy azamattar elimizge qaýip tóndirýi múmkin degen pikir bar. Sebebi, ondaǵy soǵysqa qatysyp kelgen adamdar daıyn kisi óltirýshi bolyp esepteledi. Olardyń elge qandaı pıǵylmen oralatyndary da belgisiz», – dep túsindirdi Sergeı Pashevıch.
S. Pashevıch sóz oraıynda , shet el asyp ketken radıkaldy kózqarastaǵy adamdardy raıynan qaıtarý múmkin emestigin, bul máselede eń durys sheshim olardy azamattyǵynan aıyrý qajettigin atap ótti.
Aıdar О́risbaev.