Qazaqstan jan basyna shaqqanda balyq ónimderin az tutynady. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev Úkimet otyrysynda málimdedi, dep habarlaıdy Egemen.kz
"Eger DDU bir adamǵa jylyna keminde 16 keli balyq ónimin tutynýdy usynsa, onda Qazaqstanda bul san 4 keliden de az bolady. О́z kezeginde kórshiles Reseı men Qytaıda bir adamǵa tıisinshe 20-40 keli tutynylady", dedi Maǵzum Myrzaǵalıev. Mınıstr shekaralas aımaqtardy eskere otyryp, balyq ónimderin eksporttaý úshin áleýetti 3 mln tonnadan arttyrýdy qajet ekenin aıtty.
Búgingi tańda Qazaqstanda 1000-nan astam balyq sharýashylyǵy sýbektileri jumys isteıdi. Olarǵa 1646 balyq sharýashylyǵy sý aıdyndary men olardyń ýchaskeleri bekitilgen. Salada 11 myńnan astam adam jumys isteıdi. 2019 jyly 45 myń tonna balyq aýlanǵan.
"Negizgi balyq aýlaý Atyraý, Almaty, Shyǵys Qazaqstan jáne Qyzylorda oblystarynda qalypty júrgiziledi", dep qortyndylady mınıstr.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.