Jańa vagondar jolǵa shyqty

2013 jylǵy 24 qazanda Astana vokzalynan «Jolaýshylar tasymaly» AQ jasaqtaǵan «Tulpar-Talgo» vagondarynan quralǵan «Astana-Atyraý» baǵytyndaǵy №19/20 «Atyraý» júrdek poıy­zynyń ekinshi quramy attandy.

2013 jylǵy 24 qazanda Astana vokzalynan «Jolaýshylar tasymaly» AQ jasaqtaǵan «Tulpar-Talgo» vagondarynan quralǵan «Astana-Atyraý» baǵytyndaǵy №19/20 «Atyraý» júrdek poıy­zynyń ekinshi quramy attandy.

Jańa poıyzdyń qatynaý merzimdiligi – kúnara. Astanadan Atyraýǵa deıingi jol 22 saǵat 57 mınýtty, Atyraýdan Astanaǵa deıingi ýaqyt 22 saǵat 15 mınýtty quraıdy.

Poıyzdyń jańa quramy 27 vagonnan turady, onyń 22-si jolaýshylar tasymaldaýǵa beıimdelgen, 2-ýi «Grand» sanatty (eki oryndyq lıýks), 2-ýi «Bıznes» sanatty (eki oryndyq) jáne «Týrıst» sanatty (tórt oryndyq) 18 jolaýshy vagony. Sondaı-aq, 3 tehnıkalyq, 1 vagon bar men 1 meıramhana vagony bar.

«Grand» sanatty vagondardyń biri múmkindigi shekteýli aza­mattarǵa arnalǵan jáne kez kelgen bıiktiktegi platformadan vagon ishine enýge múmkindik beretin arnaıy kótergish qurylǵymen jab­dyqtalǵan. Kýpede dýsh, sanı­tar­lyq jeli, arnaıy jab­dyq­­tal­ǵan esikter, jolserikti shaqy­rý núktesi qarastyrylyp, jolaý­shylardy otyrǵyzý jáne túsi­rýge yńǵaılandyrylyp dá­lizder keńeıtilgen.

«Tulpar-Talgo» vagonda­ry joǵary jaılylyqqa, jeńil konstrýksııaǵa ıe jáne Qazaq­stan­nyń aýa raıy óz­geshelikterine beı­imdelip, qazirgi zamannyń zama­naýı tehnologııalaryn paı­dalaný arqyly jasalǵan. «Tul­par-Talgo» vagondary ener­gııamen qamtamasyz etetin ortalyq júıe, aýa baptaǵyshpen, qaýipsizdikti baqylaýdyń elektrondy júıesimen qamtylǵan.

Atap óter jaıt, júrdek ba­ǵyt­tardyń jiberilýi joldaǵy ýaqytty 1,5 esege qysqartady. №19/20 poıyzdyń jiberilýi As­tana stansasynan Atyraýǵa deıingi joldy (1 839 km.) 33 saǵat­tan 22 saǵatqa qysqartady.

«Egemen-aqparat».