Sybaılas jemqorlyqqa qarsy is-qımyl departamenti men qalalyq ákimdik birlesip, erekshe bastamany qolǵa alyp otyr. О́tken aptada qaladaǵy kópqabatty turǵyn úılerdiń syrtqy qabyrǵalaryna Ábý Nasyr ál-Farabı, Ybyraı Altynsarın, Shoqan Ýálıhanov, Sultan Baımaǵambetov sııaqty tarıhı tulǵalardyń alyp beıneleri iline bastady.
Uıymdastyrýshylardyń aıtýynsha, záýlim úılerdiń syrt qabyrǵalaryna ilingen alyp mýraldar qalanyń ajaryn asha túsýmen qatar, turǵyndardyń júregine erekshe jylý uıalatyp, Otanǵa degen súıispenshilikke úndeıdi.
«Búginde óskeleń urpaqtyń boıyna adaldyq, ádildik pen parasat jáne otansúıgishtik sııaqty asyl qasıetterdi sińirý – sybaılas jemqorlyqqa qarsy is-qımyl agenttigi qyzmetiniń negizgi baǵyttarynyń biri bolyp otyr. Bıyl elimizde Shoqan Ýálıhanovtyń 185 jyldyq mereıtoıy atalyp ótilýde. Ataýly merekege biz óz úlesimizdi osylaısha qosqymyz keldi. Qazirgi qoǵam sybaılas jemqorlyq sııaqty áleýmettik dertti tek birlese otyryp jeńe alatynyn túsinýi kerek. Sondyqtan bul bastamanyń qala turǵyndaryna tıgizer tárbıelik máni zor degen oıdamyz», – dedi sybaılas jemqorlyqqa qarsy qyzmet basshysy Qýanysh Bekbasov.
QOSTANAI