Túrkistan oblysynyń ákimi О́mirzaq Shókeev Túrkistan qalasyndaǵy qurylys alańdaryn aralap, merdigerlermen kezdesti. Olarǵa qurylysty shıratýdy tapsyryp, mindetter júktedi, dep habarlaıdy Egemen.kz QazAqparatqa silteme jasap.
Aımaq basshysy kelisimshartta kórsetilgen tıisti mindetterdi buzǵandarǵa, kesteden qalys qalyp ne kemshilikterge jol bergen merdiger mekemelerge aıaýshylyq tanytpaýdy tapsyrdy. Ol úshin zań aıasynda tıisti shara qoldanylatynyn eskertti.
Oblys basshysy ákimshilik-iskerlik ortalyǵyndaǵy qurylysy baıaý júrgizilip jatqan turǵyn úılerdiń jumystarymen tanysty. Alǵashqy túzilgen óndiristik kestege sáıkes, bul nysandardyń basym bóligi qyrkúıek aıynda paıdalanýǵa tapsyrylýy tıis bolǵan.
Alaıda, tapsyrys berýshi tarapynan oblystyq qurylys basqarmasynyń kelisiminsiz óndiristik kestesi qaıta jasalyp, tapsyrý merzimi qazan aıyna deıin uzartylǵan. Bekitilgen kesteden qalys qalǵandarǵa iri kólemde aıyppul salynýy múmin.