Aqtóbede aıaq kıimge telefon jasyryp, túrmege kirgizbek boldy, – dep habarlaıdy Egemen.kz QR IIM-niń Polisia.kz saıtyna silteme jasap.
Aqtóbe oblysy boıynsha QAJ departamentine baǵynysty KA-168/1 tergeý ızolıatorynyń tártip jáne kúzet qyzmetkerleri mekemege kelgen sálemdemelerdi tekserý kezinde, aıaq kıimniń tabanyna muqııat jasyrylǵan eki uıaly telefon jáne eki “Beeline” sım-kartasy men zarıadtaǵysh qurylǵylardy taýyp, tárkiledi.
Mekemege tyıym salynǵan zattardy Aqtóbe qalasynyń R. M. esimdi 1990 jylǵy turǵyny (kisi óltirý baby boıynsha) qamaýda otyrǵan aǵasyna jetkizbek bolǵan. – Azamat R. M. óziniń túsiniktemesinde kinásin tolyq moıyndady.
Quqyq buzýshyǵa qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 481-baby boıynsha hattama toltyrylyp, materıal Aqtóbe qalasynyń mamandandyrylǵan ákimshilik sotyna joldandy, - dep habarlaıdy Aqtóbe oblysy boıynsha Qylmystyq-atqarý júıesi departamentiniń baspasóz qyzmeti.