Búgin Qazaqstan Respýblıkasynyń Mádenıet jáne sport vıse-mınıstri Nurǵısa Dáýeshovtyń tóraǵalyǵymen «Sıfrlyq dáýirdegi Qazaqstan mýzeıleri: jańa talaptar men múmkindikter» taqyrybynda Qazaqstan Respýblıkasy Mádenıet jáne sport mınıstrliginiń Mýzeı isi jónindegi kórkemdik keńesiniń kezekti otyrysy onlaın formatta ótti. Bul týraly Egemen.kz mınıstrliktiń baspasóz qyzmetine silteme jasap habarlaıdy.
Kórkemdik keńes otyrysynda Qazaqstan Respýblıkasyndaǵy mýzeılerdiń onlaın-rejımdegi qyzmetin jetildirý, sıfrlyq dáýirdegi otandyq mýzeı salasynyńqyzmetin damytý, jalpy mýzeı isi qyzmetine qoldaý kórsetý jáne mýzeı salasynyń onlaın rejımdegi qyzmetin turǵyndarǵa qoljetimdi etý máseleleri talqylandy.
Otyrysqa Kórkemdik keńes músheleri, respýblıkalyq jáne jergilikti atqarýshy organdaryna qarasty memlekettik mýzeı basshylary, Mádenıet jáne sport mınıstrliginiń jáne qoǵamdastyq ókilderi qatysty.
Kórkemdik keńes otyrysynyń nátıjesi boıynsha hattama bekitilip, respýblıkalyq jáne jergilikti atqarýshy organdaryna qarasty mýzeılerge jumys úshin joldanady.
Aıta keteıik, «Mádenıet týraly» Qazaqstan Respýblıkasy Zańyna sáıkes mádenıet salasyndaǵy memlekettik saıasatty jetildirý maqsatynda Ýákiletti organ janynan qurylǵankonsýltatıvtik-keńesshi organdar – teatr, mýzyka qyzmeti jáne konserttik qyzmet, sırk óneri, mýzeı isi jáne arheologııa, beıneleý óneri, sáýlet jáne dızaın, ádebıet jáne kitap basyp shyǵarý jóninde salalyq kórkemdik keńester turaqty jumys jasap keledi.
Salalyq kórkemdik keńesterdiń negizgi fýnksııalary mádenıet pen ónerdiń joǵary kórkem týyndylaryn – básekege qabiletti otandyq ónimdi jasaý maqsatynda memlekettik mádenıet uıymdarynyń qyzmetin úılestirý jónindegi usynystardy tujyrymdaý.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.