Prezıdent Qasym-Jomart Toqaev halyqqa arnaǵan Joldaýynda "memlekettiń erekshe qajettiligi bar adamdarǵa kópshilikpen birdeı jaǵdaı jasaýǵa mindetti" ekenin bóle-jara atap kórsetti. Iаǵnı qoǵamdyq ómirde de, kásibı qyzmette de, memlekettik qyzmetter alýda da múgedek jandar jaısyzdyq sezinbeýi, kedergilerge tap bolmaýy tıis, dep jazady Egemen.kz
Erekshe qajettiligi bar adamdarǵa memleket qamqorlyǵy qaı kezde de aýadaı qajet. Olardy jumyspen qamtý negizgi máseleniń biri. "Azamattarǵa arnalǵan úkimet" memlekettik korporasııasynyń Almaty fılıalynda 67 múmkindigi shekteýli jan jumys isteıdi. Áleýmettik ómirdiń barlyq salalarynda azamattardyń qajettilikteri men múddeleriniń keshendi túrde qamtamasyz etilýine atalǵan ujym aıryqsha mán berip otyr. Sonymen birge múmkindigi shekteýli jandarǵa memlekettik qyzmet kórsetý isi de barynsha jolǵa qoıylǵan.
"Árbir front-ofıste múgedekterge qyzmet kórsetetin arnaıy terezeler jumys isteıdi. Qulaǵy nashar estıtin nemese sańyraý jandarǵa kýrstardan ótken sýrdoaýdarmashy maman ymdaý-ıshara tilimen qyzmet kórsetedi. Munda keletin múgedektigi bar jandar úshin kólikterin qoıatyn avtoturaq, arbadaǵy múgedekter úshin pandýstar, shaqyrý núkteleri, kóterý lıfti, kózi nashar kóretinderge arnalǵan taktıldi joldar, Braıl mátinindegi aqparattyq taqtashalar ornatylǵan", deıdi fılıal dırektory Danııar Qyryqbaev.
Múgedekter úshin kóptegen qyzmetti onlaın rejimde alý qarastyrylǵan. Máselen, azamat múgedektik tobyn anyqtaý úshin komıssııadan ótkende, basqa esh jerge júginýdiń qajeti joq. Onyń qujattary onlaın rejimde memlekettik korporasııaǵa berilip, osynda barlyq járdemaqylar men tólemder túri belgilenip, onyń tólenýi uıymdastyrylady.
Sondaı-aq, "Azamattarǵa arnalǵan úkimettiń" mamandary 1 jáne 2 toptaǵy múgedekterge, 70 jastan asqan qart adamdarǵa, UOS qatysýshylaryna jáne múmkindigi shekteýli balalardyń úıine baryp qyzmet kórsetedi.
– Jyl basynan beri bizdiń mamandar 1737 úıge baryp 2 myńǵa jýyq qyzmet kórsetti. Eń kóp talap etiletin qyzmetter – pasporttar men jeke kýálikter berý. Múgedekterdi sýrdo-tıflotehnıkalyq jáne mindetti gıgıenalyq quraldarmen qamtamasyz etý, protezdik-ortopedııalyq kómek usyný úshin olarǵa qujattardy resimdeý jáne t. b. qyzmetter de suranysqa ıe, – deıdi Danııar Qyryqbaev.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.