Rýbık kýbıktarynan sybaılas jemqorlyqqa qarsy polotno paıda boldy. Sybaılas jemqorlyqqa qarsy is-qımyl agenttigi parasattylyq qaǵıdattaryn damytýdyń jáne vedomstvo qyzmeti týraly halyqty habardar etýdiń jańa tásilderin qarastyrýda, dep habarlaıdy Egemen.kz
Rýbık kýbıkterinen uly Abaıdyń portretin jasaǵannan keıin keńinen tanymal bolǵan elordalyq joǵary oqý oryndarynyń bitirýshi kýrs stýdentteri Tynysbek Bópishtaı men Qanat Ahmetrasýl arnaıy taqtaǵa Agenttiktiń logotıpi men 1424 Sall-ortalyǵynyń nómiri kórsetilgen sýretti saldy.
Olardyń kásibı deńgeıde oryndalǵan shyǵarmalary – Rýbık kýbıkinen jasalǵan Abaı Qunanbaev, Shámshi Qaldaıaqov, Jaqsylyq Úshkempirovtiń portretterine jurtshylyq tánti boldy.
Sybaılas jemqorlyqqa qarsy qyzmetke arnalǵan uzyndyǵy 1,6 metr, eni 1,1 metr aqparattyq polotnony jas daryndy jigitter 2 saǵat ishinde jınady.
T.Bópishtaı qoǵamda sybaılas jemqorlyqqa qarsy mádenıetti qalyptastyrý jónindegi jumysqa qatysýdy óziniń azamattyq paryzy dep sanaıtynyn atap ótti. Ol sondaı-aq óz qurdastary men barlyq otandastaryn parasatty bolýǵa jáne sybaılas jemqorlyqsyz Qazaqstandy birge qurýǵa shaqyrdy.