Germanııanyń Robert Koh atyndaǵy ınstıtýtynyń 20 tamyzdaǵy dereginen ańdaǵandaı táýlik ishinde 1707 adamnan SARS-CoV-2 tabylǵany tirkelgen kórinedi, dep habardaıdy Egemen.kz
Italııa, Ispanııa elderi tárizdi Germanııa da vırýstan az zardap shegip otyrǵan joq. 228,6 myń adam COVID-19 juqtyryp, 9253 pasıenttiń ómirin saqtap qalý múmkin bolmaǵan.
"Eldiń qaıtkende áleýetin álsiretpeımiz degen bılik túrli qadamdar jasaýda. Sonyń biri – tórt kúndik jumys kestesine kóshý. Jumysshylarǵa ishinara ýaqyt qysqarýyna baılanysty ótemaqy tóleýmen pandemııanyń ekonomıkaǵa keri áserin azaıtýǵa bolady", deıdi eldiń Eńbek mınıstri Hýbertýs Haıl.
Negizinde bul oıdy bılik nazaryna usynǵan О́ndiris kásipodaqtary IG Metall kóshbasshysy Iorg Hofman ekenin aıta ketken jón deıdi REGNUM.