Elimizde EKSPO-2017 kórmesine daıyndyq jumystary qyzý bastalyp ketti. 2017 jylǵa belgilengen halyqaralyq kórmeni uıymdastyrý úshin arnaıy ulttyq kompanııa qurylyp, onyń basshylyǵyna Talǵat Ermegııaev taǵaıyndaldy. Bul týraly TengriNews.kz habarlady.
EKSPO kórmesin ótkizetin oryn retinde Astananyń tańdalýy tekten-tek emes. Bul týraly Memleket basshysy Nursultan Nazarbaev óz sózinde: «Birinshiden, álemniń osynshama eliniń Qazaqstandy «eń laıyqty» dep tanýynyń ózi óte mańyzdy. Ekinshiden, 100-den astam el Astanada óz pavılondaryn salý úshin keledi. Úshinshiden, «EKSPO – 2017» kórmesine biz usynǵan «Bolashaqtyń energııasy» urany negizinde elordamyzǵa jahandaǵy memleketter ózderiniń jańa tehnologııalaryn jetkizedi. Is júzinde III ındýstrııalyq revolıýsııa «jasyl ekonomıkadan» bastalmaq. Bul rette qaı elde «jasyl ekonomıka» bolsa, sonyń qolynda jańa tehnologııalar bar. Al jańa tehnologııalarsyz endi damý joq. Iаǵnı «EKSPO – 2017» Qazaqstan úshin ekonomıkalyq damýdyń túbegeıli jańa betin ashýdaǵy betburys beketine aınalmaq»,-degen edi.
Bizdiń el 2017 jyly ótetin kórmeniń taqyrybyn energııanyń balamaly kózderi men «jasyl» ekonomıka máselelerine arnap otyr. Osy joba taza ekologııalyq tehnologııa men jańǵyrtylǵan energetıkaǵa arnalǵan. Indýstrııalyq-ınnovasııalyq damýdy jedeldetý jónindegi memlekettik baǵdarlama sheńberinde elimiz 2015-2020 jyldar aralyǵynda JIО́ energııa shyǵynyn tıisinshe 25 paıyzdan 10 paıyzǵa kemitýdi josparlady. Onyń alǵy sharty retinde kún batareıalaryn óndiretin zaýyt ashyldy.
Jasyratyny joq, qazirgi kezde álem elderinde energııa kóziniń tapshylyǵy baıqalýda. Sol sebepti dúnıejúzi energııany kún, jel sııaqty tabıǵı kózderden alýǵa kóshe bastady. Al bolashaqta búkil álem «jasyl» tehnologııamen alǵa jyljyp, energııa kózin únemdeýge negiz qalaıtyny daýsyz. Osy turǵydan alǵanda, bizdiń el tańdaǵan «Bolashaqtyń energııasy» álemdik ekonomıkalyq damýdyń basty kiltine aınalmaq. Degenmen, Halyqaralyq kórmeler bıýrosynyń talaptary da joǵary. Máselen, kórme ótkizýge belgilengen 3aı ishinde Astana qalasy álemniń 100 memleketinen 5 mıllıonǵa jýyq adamdy qabyldaýǵa múmkindigi bolýy tıis. Bul jumystardyń aldyn alý úshin bizge naqty josparly is qajet...
Búginde kópshilikti kórmeden keıin EKSPO-2017 alańy qalaı paıdalanylady degen suraq ta mazalap júr. Osyǵan Parıjde ótken Halyqaralyq kórmeler bıýrosy Bas Assambleıasy 153-shi sessııasy kezinde «Astana EKSPO-2017» UQ» AQ basqarma tóraǵasy Talǵat Ermegııaev qysqasha túsinikteme berdi. Onyń aıtýynsha, atalmysh aýmaq ómir súrýdiń jańa taza ekologııalyq úlgisine, táýlik boıy qarbalas bolatyn «eshqashan qalǵymaıtyn» aýdanǵa aınalady. Damýdyń mundaı úlgisi jastarǵa, stýdentterge, jas ǵalymdarǵa, kásipkerler men jas otbasylarǵa baǵdarlanady. Ol elimizdiń jetekshi joǵary oqý oryndarynyń biri - Nazarbaev Ýnıversıtetiniń janynda ornalasýymen erekshelenedi. EKSPO kórme kesheniniń syrt jaǵynan ǵylymı-tehnologııalyq park oryn alsa, Ýnıversıtet kesheni men ǵylymı-tehnologııalyq parktiń arasynda jasyl jelekpen kómkerilgen keń alleıa ashylady. Onyń jan-jaǵyna saýda ortalyǵy, sport pen oıyn-saýyq saıabaǵy ornalasady. Al Orynbor kóshesinde qurylysy qolǵa alynatyn turǵyn aýdandar aımaǵy EKSPO kórme kesheninen shyǵysqa qaraı keńeıtiledi.
Danııar Túımebaı.