Elimizdiń Qylmystyq kodeksine maskúnem júrgizýshilerdi bas bostandyǵynan aıyratyn bap engizý máselesi qarastyrylýda. Bul týraly «Astana» telearnasy habarlady.
Qazirgi qoldanystaǵy Qylmystyq kodeks 422 baptan turady. Jańa zań jobasy negizinde onyń sanyn arttyrý kózdelgen. Sebebi, ol osy ýaqytqa deıin birneshe ret ózgeriske ushyraǵanymen, áli de tolyqtyrýlardy qajet etedi. Basym bóligi qoǵamdyq qylmystarǵa qatysty bolyp otyr.
«Eger júrgizýshi jol apatyn ishimdikke boı aldyryp jasasa, onda ol aýyr qylmysqa jatqyzylady. Iаǵnı, ony burynǵydaı eki taraptyń tatýlyǵymen sheshýge bolmaıdy. Qylmystyq kodekstiń jańa jobasy boıynsha, qaza tapqan ár adam úshin júrgizýshiniń bas bostandyǵy shekteledi. Mysaly, 1 adam kóz jumsa 7 jylǵa deıin, 2 azamat úshin 12, odan kóp bolsa 15 jylǵa deıin temir torǵa qamalady»,-deıdi Bas prokýrordyń birinshi orynbasary Iogan Merkel.
Joǵaryda kóterilgen máselege baılanysty túsinikteme bergen Ishki ister mınıstriniń orynbasary Erlik Kenenbaev bas bostandyǵynan aırylǵan azamattarǵa 95 ustaý abaqtysyn ashý qajettigin málimdedi. Degenmen, naqty jumys aldaǵy ýaqytta sheshimin tabady.
Baqytbek Keneshuly.