Sıfrlandyrýdyń jemisi men jetistigin el Prezıdenti Qasym-Jomart Toqaevtyń bastamasymen qolǵa alynǵan Prezıdenttik jastar kadr rezervine qatysý kezinde sezindim. Kadrlyq rezervke irikteý kezinde barlyq úmitker qujatty onlaın tapsyrdy. Sońǵy kezeńge deıin komıssııa múshelerimen jeke kezdesý bolǵan joq. Baıqaýǵa qabyldaý, ár kezeńniń tapsyrmalaryn oryndaý barysynda tek ozyq tehnologııany qoldandyq. Kompıýterdiń aldynda otyrdyq, kamera qosýly boldy. Prosess óte qatal boldy deýge de bolady.
Osylaısha iriktelgen 300 jas ár kezeńniń ashyqtyǵyn, adaldyǵyn óz kózimen kórdi. Jobanyń ádil ótkenine kúmán keltirmeımin. Osylaısha sońǵy tehnologııany túrli salaǵa engizý arqyly adamı faktordy joıyp, jemqorlyqpen tıimdi kúres júrgizýge bolar edi.
Alaıda sıfrlandyrýdy júzege asyrýdy júıeli júrgizý keregin de eskerý qajet. Sebebi olpy-solpy jasalǵan dúnıe odan saıyn qıyndyqqa alyp kelýi múmkin. Men osyǵan alańdaımyn. Sondyqtan el Prezıdenti kúni keshe sybaılas jemqorlyqqa qarsy kúres máseleleri jónindegi keńeste atap ótkendeı, derekter qoryn odan əri ıntegrasııalaý jəne memlekettik qyzmetterdi sıfrlandyrýdy jedeldetýge basa mən berý qajet.
Dáýlet KÁRIBEK,
Nur-Sultan qalasy ákimdigi jastar saıasaty máseleleri basqarmasynyń basshysy