Oblys ákiminiń ókimimen bul laýazymdy Qanat Qadyrjanuly Ázmuqanov atqaratyn boldy. Ony ujymǵa oblys ákiminiń orynbasary Baqytgúl Hamenova tanystyrdy.
Qanat Qadyrjanulynyń eki joǵary bilimi bar. 2003 jyly Almaty qalasyndaǵy Orta-Azııalyq ýnıversıtetinen quqyqtaný, 2008 jyly H.Dosmuhamedov atyndaǵy Atyraý memlekettik ýnıversıtetinen qarjy mamandyǵyn aldy. Al,2015 jyly Reseı Federasııasynda Astrahan memlekettik ýnıversıtetin «quqyqtaný magıstri» dárejesimen bitirdi.
2018 jyly Chehııa Respýblıkasyndaǵy «Central Bohemia Institute of Applied Science and Management» oqý ornynyń ekonomıka jáne bıznes salasyndaǵy iskerlik basqarý doktory baǵdarlamalarynda oqyp, ǵylymı dárejesin aldy.
Eńbek jolyn «Júze» JShS-de zańgerdiń kómekshisi, keńesshi-zańger, zańger bolyp bastap, «Kaspıan Prodjekt Servıses» JShS dırektordyń orynbasary, dırektory, «Region Trans Com» JShS-de bas dırektory laýazymynda jumys istedi. 2010-2012 jyldary «Nur Otan» HDP Atyraý oblystyq fılıalynyń qoǵamdyq-saıası jumys bóliminiń keńesshisi, uıymdastyrý-partııalyq bólim meńgerýshisi qyzmetterin atqardy.
2012 jyldyń maýsymynan «Kaz Trans Oil-Logistik» JShS-de dırektory, 2013-2016 jyldary «Nur Otan» partııasy Atyraý qalalyq fılıaly tóraǵasynyń birinshi orynbasary laýazymda boldy. 2016 jyldyń sáýirinen 2018 jylǵy qazanǵa deıin Atyraý qalalyq máslıhatynyń hatshysy, 2018 jyldyń qazanynan «Region Trans Com» JShS kadrlar jónindegi dırektory, osy kezge deıin QR Eńbek jáne halyqty áleýmettik qorǵaý mınıstrligi Eńbek jáne áleýmettik áriptestik departamenti dırektory laýazymynda jumys istedi.