Qarjy mınıstriniń buıryǵymen Berik Tóleýtaıuly Nájimıdenov Qarjy mınıstrliginiń Ishki memlekettik aýdıt komıtetiniń tóraǵasy qyzmetine taǵaıyndaldy. Bul týraly Egemen.kz Premer-Mınıstrdiń baspasóz qyzmetine silteme jasap habarlaıdy.
Berik Nájimıdenov 1979 jyly Pavlodar oblysynda dúnıege kelgen. S. Toraıǵyrov atyndaǵy Pavlodar memlekettik ýnıversıtetin támamdaǵan. Mamandyǵy — ekonomıst-menedjer, zańger.
Eńbek jolyn 2000 jyly Pavlodar munaı óńdeý zaýytynda operator bolyp bastaǵan.
2002-2012 jyldary Qarjy mınıstrligi Qarjylyq baqylaý komıtetiniń Pavlodar oblysy boıynsha basqarmasynda túrli laýazymdardy atqarǵan.
2012-2014 jyldary Astana qalasy Qarjy mınıstrliginiń Qarjylyq baqylaý komıtetinde jumys istegen.
2014-2016 jyldary Qaraǵandy q. QR QM Qarjylyq baqylaý jáne ishki memlekettik aýdıt komıtetinde jumys istedi.
2016 jylǵy jeltoqsannan bastap qazirgi ýaqytqa deıin Nur-Sultan q. QR QM Ishki memlekettik aýdıt komıteti tóraǵasynyń orynbasary qyzmetin atqardy.Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.