Túrkistan oblysynda bıyl 6500 adamdy jastar praktıkasyna joldaý josparlanǵan, - dep habarlaıdy Egemen.kz oblys ákiminiń baspasóz qyzmetine silteme jasap.
Tamyz aıynyń 1-ne deıin 1360 kásiporynǵa 4571 azamat (70,3%) joldansa, onyń 800-i merzimin aıaqtaǵan, al 117-si turaqty jumysqa ornalasqan.
Al, 2019 jyly jospar boıynsha 5435 jas praktıkadan ótý kerek bolsa, 1858 kásiporynǵa 6783 adam qabyldanǵan. Onyń 6637-si merzimin sátti aıaqtasa, 2274-i baǵdarlamanyń kómegimen turaqty jumysqa ornalasqan.
Negizinen jastar praktıkasy jobasy bilim berý uıymdarynyń túlekteri alǵan kásibi (mamandyǵy) boıynsha bastapqy jumys tájirıbesin jınaqtaý úshin arnaıy qolǵa alynǵan. Jastar praktıkasyna 29 jastan aspaǵan jumyssyzdar oqýdy aıaqtaǵannan keıin 3 jyl ishinde jiberiledi.
Joǵary oqý ornyn bitirgen túlekter jastar praktıkasynan 6 aı júrip ótedi. Tıisinshe aı saıyn eńbekaqysy tólenedi. Jastar praktıkasyna qatysý úshin halyqty jumyspen qamtý ortalyqtaryna jumyssyz retinde tirkelý kerek.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz