Atap aıtqanda, áıelder jáne jastar kásipkerligin damytýǵa arnalǵan "Men kásipker bolamyn" baǵdarlamasy boıynsha 1 paıyzdyq jeńildetilgen nesıe alý úshin 427 azamat ótinish bergen. Nátıjesinde jalpy quny 98 mln teńgeni quraıtyn 11 joba maquldanǵan. Al "1000 saýda orny" baǵdarlamasy aıasynda jer ýchaskelerin alý boıynsha 200-ge jýyq azamatqa keńes berilse, memlekettik grant alý boıynsha 104 adam ótinish bildirgen.
Sonymen qatar 500-den astam kásipkerge qarjylaı emes qoldaý kórsetilip, mamandardyń kómegimen birneshe joba ázirlendi.
Front-ofıs kásipkerlerge "bir tereze" qaǵıdasy boıynsha jan-jaqty qyzmet kórsetip, nátıjeli jumys atqaryp keledi.
Munda kásibin ashqysy keletinderdiń barlyq suraqtaryna jaýap beriledi. Mamandar jeńildetilgen nesıe alý, saýda oryndaryn iske qosý, ındýstrııalyq, kólik-logıstıkalyq, agro-ındýstrııalyq jáne arnaıy - ekonomıkalyq aımaqtardan jer telimin alý syndy máseleler boıynsha keńes berýge daıyn.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.