Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń qyzmetkerleri patrýldik-polısııa rotasynyń komandırin aqsha bopsalady degen kúdikpen ustady.
«Kúdikti qaramaǵyndaǵy qyzmetkerlerinen qamqorlyǵy úshin 5 000-nan 70 000 teńgege deıingi mólsherde bopsalaý jolymen júıeli negizde para alyp kelgen. Qazir atalǵan derek boıynsha qylmystyq is tergelýde. Sotpen kúdiktige qatysty qamaýda ustaý túrindegi bultartpaý sharasyna sanksııa berildi» - dep habarlady Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń baspasóz qyzmeti.