Ákimshilik polısııa, kóshi-qon jáne jergilikti polısııa qyzmetkerleri uıymdastyrǵan quqyqtyq shara barysynda Armenııadan ákelingen úsh avtokólik qaıta tirkeýge alyndy. Oblysta osymen Qap taýynan ákelingen 367-shi avtokólik resmı túrde tirkeýge turdy.
Mundaı aksııa, ásirese, jumysbasty júrgizýshiler úshin qolaıly bolyp tur. Máselen, qostanaılyq Sergeı Rogojın júk kóligin júrgizedi. Ol osydan bir aı buryn kóligi esepten shyǵaryp, qaıta tirkepti. Biraq bul týraly málimet tehnıkalyq sebepterge baılanysty ortaq aqparattyq bazaǵa enbeı qalǵan.
- Taıaýda jol polısııasy toqtatyp, qujattarymdy tekserip edi, kóligimniń tirkeýde turǵany týraly málimet bazada joq bolyp shyqty. Búgin «Jolda qabyldaý» degen jazýdy kezdeısoq kórip qalyp, jaǵdaıdy túsindirip edim, máselem bir-aq mınýtta sheshildi. Osyndaı qarapaıym halyqqa paıdasy tıetin sharalardy jıi uıymdastyrsa, polısııanyń da bedeli artady, - dedi júrgizýshi.
«Jolda qabyldaý» aksııasy - aı saıyn ótkiziletin dástúrli shara. Aksııa aıasynda polısııaǵa ınternet jelileri arqyly da saýal joldaý múmkindigi qarastyrylǵan.
- Bul joly oblystyq polısııa departamentiniń vedomstvolyq jelileri arqyly turǵyndardan 20-dan astam suraq kelip tústi, - dedi ákimshilik polısııa bastyǵynyń orynbasary Asqar Narataýov.