Búgin Respýblıkalyq jedel-qutqarý jasaǵy kezekti izdestirý-qutqarý operasııasyn sátti aıaqtady, dep habarlaıdy Egemen.kz
Úlken Almaty kóliniń mańynda tórt adam joǵalyp ketken. Týrıster jedel-qutqarý jasaǵyna habarlasyp kómek suraıdy. Olar Temirtaý qalasy men Qaraǵandy qalasynyń turǵyndary bolyp shyqty. Týrısterdiń ishinde bir jigit pen úsh qyz balasy bolǵan. Aýa raıynyń kúrt buzylýyna qaramastan, taý betkeıinde júre berýdi jalǵastyrǵan.
Jol ortasynda qatty nóser jaýyn bastalyp, aýa temperatýrasy da túse bastady. Qyzdardyń biri tasqa taıyp qulap, tizesin jaraqtap alady.
Oqıǵa ornyna dereý jedel-qutqarý jasaǵy kelip zardap shekkenderge kómektesti. Olar kelse, týrıster teńiz deńgeıinen shamamen 1600 metr bıiktikke alystap ketken. Qutqarýshylar týrısterdi tómenge túsirgennen keıin qaýipsiz jerge jetkizdi. Alaıda, olar dárigerderdiń kómeginen bas tartty.
Qutqarýshylar jasaǵy taýǵa jınalar aldynda adamdarǵa qaýipsizdik qaǵıdalaryn saqtaý qajet ekenin, sondaı-aq ózińizben birge qosymsha jyly kıim alyp alýdy jáne aýa-raıy boljamymen tanysýdy eskertedi.