Osy jyldyń 25-27 tamyzynda Konstıtýsııa kúniniń qarsańynda krımınogendik ahýaldy seıiltý, quqyq tártibi men jol qozǵalysy qaýipsizdigin qamtamasyz etý, kósheler men basqa da qoǵamdyq oryndarda qylmystardy boldyrmaý baǵytynda oblys kóleminde "Quqyq tártibi" jedel-profılaktıkalyq is-sharasy júrgizildi, dep habarlaıdy Egemen.kz
"Quqyq tártibi" jedel aldyn alý is-sharasyna 247 polısııa qyzmetkeri, Ulttyq ulannyń 73 sarbazy jáne 76 avtokólik jumyldyryldy. Tirkelgen qylmystar sany 14 bolsa, bir táýlikte 11, buryn jasalǵan 3 qylmys ashyldy.
Polıseıler júrgizgen is-sharanyń eki kúninde 300-den astam ákimshilik quqyq buzýshylyq anyqtaldy.
Onyń ishinde spırttik ishimdik ishý nemese qoǵamdyq oryndarǵa mas kúıinde kelýdiń 21 deregi, usaq buzaqylyq boıynsha 13 fakt anyqtalyp, tıisti sharalar kórildi. Anyqtalǵan quqyq buzýshylyq arasynda beımezgil ýaqytta tynyshtyqty buzý, kámeletke tolmaǵandardyń túnde zańdy ókilinsiz júrýi, qaýipsizdik beldigin taqpaı avtokólik basqarý, kólik rýline mas kúıinde otyrý sekildi derekter bar.
Shara aıasynda 21 azamat ýaqytsha beıimdeý ortalyǵyna jetkizildi. Sonymen qatar, qarýdy zańsyz saqtaýdyń 11 deregi tirkeldi.