Bul týraly oblystyq polısııa departamentiniń baspasóz qyzmeti málim etti, Maqat aýdandyq polısııa bólimine aryzdanǵan áıeldiń aıtýynsha, belgisiz bireý onyń nesıe kartasynan aqsha alypty, dep habarlaıdy Egemen.kz
"1994 jyly týǵan azamatsha nesıe kartasyn joǵaltqanyn mobıldi telefonyna aqsha sheshilgeni týraly habarlama kelgende bir-aq bilgen. Onyń nesıe kartasymen birge pın-kod nómiri qaǵazda jazýly bolǵan. Maqat aýdandyq polısııa bóliminiń qyzmetkerlerimen júrgizilgen jedel-is sharalar kezinde kúdikti Aqtóbe oblysynyń turǵyny ekeni anyqtaldy. Qazir 40 jastaǵy azamatshaǵa qatysty QR Qylmystyq Kodekstiń 190-babymen sotqa deıingi tergeý júrgizilýde", dep habarlady departament bastyǵynyń orynbasary Nurhat Orazbaev
Onyń málimetinshe, bıylǵy jyl basynan beri Atyraý oblysynda ınternet-alaıaqtyqtyń 400-ge jýyq deregi tirkelip otyr. Alaıaqtyq qylmystardyń 150-den astamy ashylyp, kináli adamdar jaýapqa tartylypty.