Shymkent qalasynyń ákimi Murat Áıtenov Konstıtýsııa kúnimen quttyqtady, dep habarlaıdy Egemen.kz
Qurmetti Shymkent qalasynyń turǵyndary men qonaqtary!
Sizderdi Qazaqstan Respýblıkasynyń Konstıtýsııasy kúnimen shyn júrekten quttyqtaımyn! Bıyl Ata Zańymyzǵa 25 jyl tolyp otyr. 1995 jyly 30 tamyzda respýblıkada ótken búkilhalyqtyq referendým nátıjesinde qabyldanǵan bul Konstıtýsııanyń 1993 jylǵy Konstıtýsııadan aıyrmashylyǵy onyń mazmunynyń sapasynda edi. Jańa Konstıtýsııaǵa alǵash ret azamattyń quqyǵyna qatysty ǵana emes, adam dúnıege kelgen sátten odan ajyramas quqyqtaryna da qatysty normalar endi.
Qoǵamnyń órkendeýine qarqyn qosyp, Qazaqstan halqynyń birligine jol bastaǵan Ata Zańda bekitilgen respýblıkamyzdyń tuǵyrly qaǵıdattary búginde óziniń ómirsheńdigin dáleldedi. Qazaqstan halyqaralyq qoǵamdastyqta laıyqty oryn alyp, bıik beleske kóterilgeni osynyń aıǵaǵy. Árbir qazaqstandyq keleshekke kerýen tartqan memleketimizdiń turaqty damýynyń kepili Konstıtýsııanyń memleket pen qoǵam úshin ǵana emes, óziniń jeke basy men otbasy úshin de mańyzdylyǵyn tereń sezinedi.
Elimizdiń órkendi ári serpindi damýyna shymkenttikter de laıyqty úles qosyp keledi. Úshinshi megapolıs kúnnen kúnge kórkeıe túsýde. Halyqtyń jaıly ómir súrýi úshin barlyq jaǵdaı jasalýda. Bıyl shymkenttikter qalamyzdyń TMD elderiniń mádenı astanasy atanǵan mereıli merekesin karantın jaǵdaıyna baılanysty onlaın tamashalady. Mereke qarsańynda kóptegen ıgi sharalar ótti. Munyń bári Ata zańymyzda kórsetilgendeı qoǵamnyń basty baılyǵy halyq úshin jasalǵan izgi jumystar.
Qymbatty shahar turǵyndary!
Ata Zań – memleketimizdiń altyn qazyǵy, basty qundylyǵy. Ony qasterleý árbir azamattyq qasıetti paryzy. Jyldan jylǵa bizdiń basty qundylyqtarymyz – Táýelsizdigimiz, Kelisim men Birligimiz nyǵaıa bersin. Ár shańyraqqa qut-bereke, yrys pen yntymaq tileımin.
El irgesi aman, keleshegimiz kemel bolsyn!
Murat ÁITENOV,
Shymkent qalasynyń ákimi