1995 jylǵy búkilhalyqtyq referendýmda azamattarymyz ózderiniń erkin tańdaýyn jasap, jańa Konstıtýsııanyń qabyldanýyna daýys bergen bolatyn.
Jańa Konstıtýsııa qabyldaý týraly bastamany eń aldymen Elbasy Nursultan Ábishuly Nazarbaev kóterdi. Konstıtýsııa jobasy aýqymdy talqylaýlardan ótti. Olarǵa bilikti zańgerler qatysyp, komıssııa qurylyp, jergilikti jerlerde halyqtyq talqylaýlar ótip, basylymdarda jarııalanyp, kóptegen ózgeris pen tolyqtyrý engizilgen bolatyn.
Árıne, memleket bir ornynda tura bermeıdi. Osyǵan oraı negizgi quqyqtyq qujat ta ózgerip otyrýy múmkin. Bizdiń Ata zańymyzda osy jyldar ishinde birqatar mańyzdy ózgeristermen tolyqty.
Mysaly, qazirgi pandemııa kezinde de ekonomıka, áleýmettik jaǵdaıǵa baılanysty úlken ózgerister týyndap jatyr. Áli de bolsa, konstıtýsııalyq zańdarǵa, zańdarǵa ózgerister engiziledi dep oılaımyn. Qazir álemdik ekonomıka quldyraý kezinde, jalpy ishki ónim tómendeýde, sondyqtan bılik tarmaqtary tarapynan zańdarǵa ózgerister engizý qajettiligi týyndaýy múmkin. Sebebi qazirgi tańda ekonomıkany turaqtandyrý sharalaryn qabyldaý úshin, áleýmettik turǵyda qorǵalmaǵan toptarǵa, múgedekterge, jastarǵa qoldaý kórsetý úshin quqyqtyq bazany nyǵaıtý mańyzdy.
Mine, osy turǵydan alǵanda Ata zańymyzdyń jáne oǵan súıene otyryp qabyldanatyn zańdardyń qoǵam ómirindegi mańyzy zor ekenin aıqyn túsinemiz.