"AQSh qarjy mınıstri Stıven Mnýchın respýblıkashyldar kelesi aptada AQSh Senatynda pandemııa jaǵdaıynda el ekonomıkasyn yntalandyrýǵa arnalǵan sharalar jıyntyǵy boıynsha jańa usynystar usynatynyn aıtty. Qarjy mınıstri týraly dúısenbide Fox Business telearnasynda aıtty", dep jazady Egemen.kz atalmysh telearnanyń taratqan derekterine silteme jasap.
Mnýchın demokratııalyq zań shyǵarýshylar bul másele boıynsha "jaı ǵana adal keńesýdi qalamaıdy" degen senim bildirdi.
Mınıstr AQSh ákimshiligi bul taqyrypty AQSh Senatyndaǵy respýblıkashyl kópshiliktiń kóshbasshysy Mıtch MakKonnellmen únemi talqylap otyratynyn atap ótti. "Mıtch kelesi aptada jańa zań jobasyn usynady dep úmittenemin", - dedi ol.
AQSh Kongresinde Aq úıdiń ókilderi men demokrattar jańa yntalandyrý paketi týraly kelisimge kelgen joq. Mamyr aıynda palatanyń demokrattary bul maqsat úshin 3 trıllıonnan astam qarjyny maquldady, al senat baqylaýyndaǵy respýblıkashyldar 1 trıllıon dollarǵa yntalandyrý paketin usyndy.
4 sáýirde AQSh prezıdenti Donald Tramp pandemııanyń saldaryn joıý úshin ekonomıkany 500 mıllıard dollarǵa jýyq qoldaý sharalaryn qoldanýdy qarastyratyn zań jobasyna qol qoıdy.
Buǵan deıin AQSh Kongresi bul maqsatqa 350 mıllıard dollar bólýdi maquldaǵan edi, biraq sáýirdiń ortasyna qaraı qarajat taýsyldy. Aldyńǵy 2 trıllıon dollardan astam yntalandyrý paketi naýryz aıynyń sońynda qabyldandy.