Memleket basshysy Qasym-Jomart Toqaev mektep oqýshylary men stýdentterdi Bilim kúnimen quttyqtady. Bul týraly ol óziniń Twitter paraqshasynda jazdy, - dep habarlaıdy Egemen.kz.
"Mektep oqýshylary men stýdentterdi Bilim kúnimen quttyqtaımyn! Búgin jańa oqý jyly bastalady. Sizderge óz kúsh-jigerlerińizge, talpynystaryńyzǵa, eńbekterińizge súıene otyryp, bolashaqtaǵy jetistikterińizdiń irgetasyn qalaý mindeti tur. Jańa álemdegi eń qundy dúnıe sanalatyn bilimge jol ashatyn ustazdarǵa tabys tileımin. Pandemııa mektepter men joǵary oqý oryndaryndaǵy oqý jylynyń bastalýyna keri áserin tıgizdi. Biraq bul ýaqytsha qubylys. Úkimetke balalar men jastardyń arasynda qaýipti indettiń aldyn alyp, sanıtarlyq normalardy saqtaı otyryp, bilim berýdiń dástúrli qalpyna oralý tártibin ázirleý tapsyryldy", - dep jazdy Qasym-Jomart Toqaev.