2026 jylǵy 15 naýryzda Qazaqstannyń barlyq aýmaǵynda jańa Konstıtýsııaǵa arnalǵan respýblıkalyq referendým ótti. Kúni boıy barlyq referendým ýchaskeleriniń baqylaýshylary óz boryshyn oryndaýǵa nıet bildirgen azamattardyń úlken aǵynyna kýá boldy, dep habarlaıdy Egemen.kz.
Táýelsiz baqylaýshylar, azamattyq qoǵam ókilderi jáne halyqaralyq sarapshylar daýys berý prosessteriniń joǵary deńgeıde uıymdastyrylǵanyn, prosedýralardyń ashyq bolǵanyn jáne aıtarlyqtaı buzýshylyqtardyń tirkelmegenin rastady.
«El daýysy» qoǵamdyq qorynyń jetekshisi, tanymal bloger Aıda Jeksenovanyń aıtýynsha, baqylaýshylar kúni boıy daýys berý ýchaskelerine halyqtyń kóp kelip jatqanyn atap ótken eken. Onyń aıtýynsha, keı jerlerde adamdar ýchaske ashylmaı turyp jınala bastaǵan, al daýys berýshilerdiń aǵyny turaqty bolǵan. Kelgender arasynda egde jastaǵy azamattar, stýdentter jáne jastar kóp baıqaldy.
Sonymen qatar, Aıda Jeksenova «El daýysy» qorynyń baqylaýshylary 32 qalada jumys istegenin jáne azamattardyń referendýmǵa shynaıy qyzyǵýshylyq tanytqanyn jetkizdi.
Qazaqstanda referendýmǵa arnalǵan saılaý ýchaskeleri jabyldy
О́ńirlerde úlken belsendilik tirkelip, úlgilik uıymdastyrý qamtamasyz etilgen. Túrkistan oblysynda «Daýyc» baqylaýshylar koalısııasy 922 saılaý ýchaskesin qamtyǵan. Oblystyq bólimsheniń jetekshisi Baqytjan Áshirbaev barlyq baqylaýshylar saǵat 5:45-ten bastap ýchaskelerge kelip, daıyndyq jumystaryn bastaǵanyn habarlady.
Daýys berý kúnine deıin baqylaýshylardyń barlyǵyna tıisti nusqaýlyq berilip, olar arnaıy oqytýdan ótken. Áshirbaevtyń aıtýynsha, mundaı aldyn ala daıyndyq saılaý prosesin júıeli jáne sapaly baqylaýǵa múmkindik bergen.
Halyqaralyq uıymdardyń baıqaýshylary: Alǵash ret daýys bergender sany kóp
Pavlodar oblysynda «Daýyc» koalısııasynyń jergilikti fılıalynyń jetekshisi Alma Qozbaevanyń aıtýynsha, baqylaýshylar úshin árbir kezeńniń ashyq ári ádil ótýi erekshe mańyzǵa ıe bolǵan. Baqylaýshylar ýchaskelerdi, sonyń ishinde múgedekter úshin qoljetimdilikti aldyn ala teksergen. Kúnniń qorytyndysy boıynsha Alma Qozbaeva azamattardyń jaqsy kóńil kúıi men erekshe kóp kelýin atap ótti.
Qaraǵandy oblysynda «Daýyc» koalısııasynyń fılıalynyń jetekshisi Dmıtrıı Poltarenko barlyq ýchaskeniń durys jabdyqtalǵanyn, onyń ishinde múgedektigi bar azamattar úshin barlyq jaǵdaıdyń qarastyrylǵanyn habarlady. Poltarenkonyń pikirinshe, táýelsiz baqylaýshylardyń belsendi jumysy azamattardyń saılaý prosesine degen senimin arttyrýǵa jáne Qazaqstandaǵy demokratııalyq ınstıtýttardy damytýǵa septigin tıgizdi.
Tanymal qazaqstandyq stendap-komık Evgenıı Chebatkov daýys berdi
Kókshetaýda «El daýysy» qorynyń baqylaýshysy Eleonora Dalabaeva kúni boıy azamattardy memlekettegi ózgeristerge beıjaı qaramaýǵa jáne óz daýysyn berýge shaqyrdy.
Tarazdaǵy №494 saılaý ýchaskesinde baqylaýshy Gaýhar Saılaýhan komıssııa óz jumysyn zańnamaǵa tolyq sáıkes júrgizgenin, árbir kezeńniń baqylanyp otyrǵanyn jáne ýchaske ashylǵannan bastap daýys berýge kelgenderdiń kezegi kóp bolǵanyn rastady. Birinshi kelgenderge estelik syılyqtar berilip, alǵash ret daýys berýshilerge erekshe kóńil bólindi.
Oral qalasynda jumys istegen baqylaýshy Álııa Sálıeva da prosess ádil ári ashyq ótkenin rastady.
Respýblıkalyq referendým Qazaqstannyń azamattyq qoǵamynyń eseıgenin kórsetti. Daýys berýge erekshe joǵary qatysý, ýchaskelerdegi tártip jáne tyńǵylyqty daıyndalǵan táýelsiz baqylaýshylarmen qamtamasyz etý – azamattardyń daýys berýdi jeke jaýapkershilik pen sanaly azamattyq tańdaý retinde qabyldaǵanyn dáleldedi. Baqylaýshylardyń barlyǵy daýys berý kezinde aıtarlyqtaı zańbuzýshylyqtar tirkelmegenin bir aýyzdan atap ótti.