Almaty qalasyndaǵy Qoǵamdyq kommýnıkasııalar ortalyǵynda respýblıkalyq referendýmnyń ótý barysyn aqparattyq turǵydan jarııalaýǵa arnalǵan Táýelsiz baqylaýshylardyń Aqparattyq shtabynyń aldyn ala qorytyndy brıfıngi ótti, dep habarlaıdy Egemen.kz.
Shtab ókilderiniń aıtýynsha, aqparattyq alańnyń jumysy búgin tańǵy saǵat 07:00-de bastalǵan. Tikeleı efır arqyly qoǵamdy jedel aqparatpen qamtamasyz etý úshin aldyn ala daıyndalǵan úlken mamandar toby jumys istedi.
Aıta ketý kerek, Qazaqstanda mundaı format alǵash ret júzege asyryldy – aqparattyq shtab mańyzdy saıası oqıǵa kezinde baqylaý barysy men oryn alyp jatqan úderister týraly kúni boıy qoǵamdy naqty ýaqyt rejıminde habardar etip otyrdy.
Referendým barysynda stýdııamen tikeleı baılanysqa eldiń 15-ten astam óńiriniń ókilderi shyǵyp, aqparatty tikeleı jergilikti jerlerden jetkizdi.
Jumysqa 30-dan astam táýelsiz jýrnalıst tartyldy. Olar bir mezette birneshe mindetti atqaryp, jýrnalıst, operator jáne montajıor retinde jumys istedi. Jýrnalıster saılaý ýchaskelerindegi jaǵdaıdy jedel túsirip, materıaldardy efırge joldap otyrdy, osylaısha aqparattyń turaqty túrde jańartylyp otyrýyn qamtamasyz etti.
Jalpy halyqtyq daýys berý barysynda eleýli zańbuzýshylyqtar anyqtalǵan joq. Sonymen qatar shtab pen onyń tilshileriniń málimetinshe, kúni boıy referendýmdy aqparattyq turǵydan jarııalaý barysynda jalǵan aqparat nemese arandatýshylyq faktileri tirkelmegen.
Baıqaýshylar: Referendým barysynda zańbuzýshylyqtar tirkelgen joq
Jalpy alǵanda, shtabtyń translıasııasy 11 saǵattyq úzdiksiz tikeleı efırdi qurady. Efır barysy men jedel qosylymdardy 1 mıllıonnan astam paıdalanýshy tamashalaǵan. Al shtabtyń materıaldary men pikirleri 20-dan astam buqaralyq aqparat quraldarynda jarııalandy.
Shtab ókilderiniń aıtýynsha, qoǵamdyq-saıası úderister týraly osyndaı jedel aqparat berý formaty ashyqtyqty arttyrýǵa jáne qoǵammen ashyq dıalog ornatý múmkindikterin keńeıtýge yqpal etedi.
Referendýmda daýys bergender sany 9 mıllıonnan asty