Qazir Qostanaı oblysynda Tobyl ataýymen atalatyn eki eldi meken bar. Biri – oblys ortalyǵyna irgeles jatqan qala. Qostanaıdan shyǵa beristegi qos kópirden ótseńiz boldy, Tobyl qalasyna top ete qalasyz. Ekinshisi - toqsan taraý temir jol túıisken torapta poıyz baǵytyn retteıtin alyp beketi bar iri kent. Ol Tobyl Beıimbet aýdanynda. Kúrdeli jóndeýden ótip jatqan dárigerlik ambýlatorııa osy kentte, dep habarlaıdy Egemen.kz
Emdeý mekemesine «Aýyl – el besigi» baǵdarlamasy aıasynda 190 mln teńge bólinipti. 1985 jyly paıdalanýǵa berilgen ambýlatorııa ǵımaraty sodan beri birneshe ret jeńil-jelpi ǵana jóndeýden ótken. Tobyl kenti ákiminiń orynbasary Amanjol Esmaǵambetovtyń aıtýynsha, merdiger seriktestik búginge deıin ǵımarattyń jabyny men jylý júıesin aýystyryp, ınjenerlik kommýnıkasııa jumystaryn ótkizgen. Endi ishki árleý jumystary men syrtqy aýlany abbattandyrý ǵana qalypty.
- Qurylys nysanynda 30-35 adam jumys istep jatyr. Jóndeý jumystary qazan aıynda aıaqtalady, - dedi merdiger seriktestiktiń brıgadıri Oleg Kýshnır.
Qurylysshylar ambýlatorııadaǵy kúrdeli jóndeý jumystaryn birshama eńserip qalǵan. Al dárigerler jergilikti óner mektebiniń ǵımaratyn ýaqytsha panalap otyr.
Qostanaı oblysy