Qostanaı oblysyndaǵy Amanqaraǵaı aýylynda turǵyndar kópten kútken jańa mektep esigin aıqara ashty.
Alaıda sanıtarlyq saqtyq talaptaryna baılanysty bilim ordasynyń ashylý saltanatyna ata-analar qatysa almady. Tek oqýshylar men ustazdar qaýymynyń qatysýymen ótken merekede shákirtter án salyp, óleń oqyp, ónerlerin ortaǵa saldy.
Saltanatty sharaǵa aýdan ákimi Erlan Temenov arnaıy kelip, kópshilikti jańa bilim ǵımaratynyń ashylýymen quttyqtady.
«О́ńirde jastardyń sapaly bilim, sanaly tárbıe alýy úshin qyrýar sharýa atqarylyp jatyr. Sonyń bir jarqyn dáleli – búkil jurt bolyp kópten kútken búgingi jańa mekteptiń ashylýy. 320 oryndyq bul bilim ordasynda balalarymyz memlekettik tilde bilim alady. Árıne qazirgi jaǵdaıǵa baılanysty oqýshylardyń qashyqtan oqýyna týra keledi. Degenmen, bul qıyndyqtardyń bári artta qalyp, balalardyń mektep qabyrǵasynda bilim alatyn kún de týar. Osy mektepti sapaly ári ýaqytynda turǵyzyp, abattandyrý jumystaryn da minsiz atqarǵan merdiger «Alıýmınıı qurylys» seriktestiginiń basshylyǵyna da zor alǵys bildiremiz», – dedi aýdan ákimi.
Merekelik jıynda mektep ujymyn ardager ustaz Ryskúl Qaıyrkenqyzy da quttyqtap, ustazdar men oqýshylarǵa sáttilik tiledi.
Mektep dırektory Ǵalym Erishevtiń aıtýynsha, mektep synyptarynyń bári kompıýtermen qamtamasyz etilgen ár synypqa ınteraktıvti taqtalar qoıylǵan. Sport zalyna deneshynyqtyrýǵa qajetti san alýan sport quraldary qoıylǵan. Sondaı-aq eki sport alańy bar. Iаǵnı, aýyl balalarynyń sapaly bilim alýyna múmkindik mol.
Jańa mekteptiń qurylysyna jalpy somasy
1 mlrd teńgeden astam qarjy jumsalǵan.
Qostanaı oblysy,
Áýlıekól aýdany,
Amanqaraǵaı aýyly