Atyraý oblysynda Atyraý qalasynan 30-40 shaqyrym qashyqtyqta Kaspıı teńiziniń jaǵalaýynda qamys janyp jatyr, dep habarlaıdy Egemen.kz tótenshe jaǵdaılar komıtetine silteme jasap.
"Janý orny batpaqty, ósimdikterdiń bıik bolýy órtti sóndirýdi qıyndatty, osyǵan baılanysty arnaıy tehnıkanyń ótý múmkindigi joq.
Qalyptasqan jaǵdaıǵa monıtorıng júrgizý maqsatynda TJK "Qazavıaqutqarý" AQ tikushaǵymen janý aýmaǵyna áýeden barlaý júrgizildi. Nátıjesinde jeke oshaqtardyń janýy anyqtaldy. Janý aýdany anyqtalýda. Eldi mekenderge qaýip joq.
Janýdy sóndirýge Atyraý oblysy TJD, orman sharýashylyǵynyń, jergilikti atqarýshy organdardyń kúshteri men quraldarynan 55 adam jáne 14 birlik tehnıka jumyldyryldy.
Búgin Shymkent qalasynan janýdy joǵarydan sóndirýdi uıymdastyrý úshin sý aǵyzý qurylǵysymen (5 tonna) jabdyqtalǵan tikushaqtyń ushýy josparlanýda", delingen habarlamada.