"Qarjy naryǵy sýbektileriniń jumys rejımi týraly" QR Ulttyq banki men QR Qarjy naryǵyn retteý jáne damytý agenttiginiń birlesken buıryǵyna engizilgen ózgerister jarııalandy, dep habarlaıdy Egemen.kz.
Buıryqqa sáıkes, 2020 jylǵy 7 qyrkúıekten bastap óndiristik qajettilik bolǵan kezde fılıaldyń shtat sanynyń keminde 30% qyzmetkeri qashyqtan jumys isteý nysanyna aýysa alatyn ekinshi deńgeıdegi bankterdiń fılıaldaryn (bólimshelerin, pýnktterin) qospaǵanda, jalpy shtat sanynyń keminde 50% qyzmetkeriniń qashyqtan jumys isteý nysanyna aýysýyn qamtamasyz etýi kerek.
"Jumys kestesi saǵat 9:00-den 18:00-ge deıin belgilenetin ekinshi deńgeıdegi bankterdi jáne qyzmetin Ulttyq bankiniń qolma-qol shetel valıýtasymen aıyrbastaý operasııalaryna arnalǵan lısenzııanyń negizinde aıyrbastaý pýnktteri ǵana arqyly júzege asyratyn zańdy tulǵalardy qospaǵanda, jumys kestesin saǵat 9:00-den 17:00-ge deıin belgilesin", - delingen qujatta.