Ǵylym aldyndaǵy mindetter aýqymdy

Bul Joldaýda Prezıdent halyq aldynda turǵan ózekti de ótkir máselelerdi kóterdi. Bul – úlken strategııalyq mańyzy bar qujat. Endigi másele – osy tapsyrmany jú­zege asyrý. Q.Toqaev ár sala bo­ıynsha ne isteý kere­gin kór­setip berdi. Ony júz­ege asy­rý halqymyzdyń uıym­shyl­dyǵy men iskerligine baılanysty.

Memleket basshysy ǵylym­dy damytý máselesine erekshe nazar aýdardy. Ǵylymdy qar­jylandyrýdyń jáne qol­daý­dyń mańyzdy kózi – iri kásip­oryndardyń, ásirese shıki­zat salasyndaǵy kompanııa­lardyń qarajaty. «Tapqan tabystyń 1 paıyzyn ǵylym men tehnologııany damytýǵa berý týraly qoldanystaǵy norma talaptary saqtalmaı otyr. Kóp jaǵdaıda bul qarajat kom­panııalardyń ishinde bólinis­ke túsip ketedi. Úkimetke osy qara­jatty jınaqtaý isin orta­lyqtan­dyrýdy jáne ony bıýdjet arqyly jalpyulttyq ǵyly­mı basymdyqqa saı bólinýin qamtamasyz etýdi tapsyramyn», dedi Prezıdent.

Osy turǵydan alǵanda, biz, otandyq ǵylym ókilderi iri je­tekshi kompanııalardyń jáne jekemenshik kásiporyndardyń ǵylym salasyna naqty úles qosýy qajet degen Memleket bas­shy­sy­nyń usynysyn qyzý qol­­dap, qýattaımyz. Shyndy­ǵyn­da búgingi tańda eldegi jeke bıznes ókilderiniń ǵylym­dy damytýǵa qosyp otyrǵan úlesi 20 paıyz ǵana. Al álem­niń damyǵan elderinde bul kór­setkish 70-80 paıyzdy quraıdy.

Joldaýda ǵylym salasyn damytý týraly  Memleket basshysy birqatar máseleni alǵa qoıdy. Bul salada bizge tyń kóz­qaras pen jańa tásilder keregin aıtty. Sondaı-aq halyq­aralyq tájirıbege arqa súıeý qajet dedi. Úkimetke jyl sa­ıyn álemniń jetekshi ǵylymı or­ta­lyqtarynda 500 ǵalym­nyń taǵylymdamadan ótýin qamta­masyz etýdi tapsyrdy. Sondaı-aq «Jas ǵalym» jobasy aıasynda zertteý júrgizý úshin 1 myń grant bólýdi tapsyrdy.

Ǵylym salasyn damytý úshin Memleket basshysy alǵa qoıǵan mańyzdy sharalardy júzege asyrý baǵytynda bizdiń ınstıtýt ujymy aýqymdy is at­qarady. Aldymyzda jastardy ǵylym salasyna tartý, yntalandyrý sekildi mindetter tur.

Bul Joldaýda «Jaýapty memleket, jaýapty qoǵam, ja­­ýapty adam» degen tujyrym­dama kópshiliktiń kóńilinen shyqty. Bul qaǵıdany júzege asyrý – halqymyzdyń iskerligi men jaýapkershiligine baılanysty. Basty másele – árbir istiń nátı­jesi bolýy tıis.

Qazirgi syn saǵatta ynty­ma­ǵy jarasqan halqymyz oryn al­ǵan aýyrtpalyqty laıyqty kótere bildi. Daǵdarysqa qarsy shara­lar qabyldanyp, indetti jeńý­ge qyrýar qarjy bólindi. Dúnıe­­júzilik densaýlyq saq­taý uıy­mynyń málimeti boıyn­sha in­det áli eki jylǵa sozylýy múmk­in. Demek, elimiz bul jaǵdaı­ǵa daıyn bolyp, qan­daı aýrt­palyq bolsa da qıyn­dyqt­y jeńýge qarsy sharalar­dy qolǵa alýymyz kerek. Sondaı-aq jańa naryqqa daıyn bolý ke­rek. Memleket tarapynan áleý­met­tik-ekonomıkalyq salaǵa aldaǵy úsh jylǵa 1 trln teńge bólinbek.

Bul Joldaý – Qazaqstannyń turaqtylyǵy men órkendeýiniń  berik negizi.

Aqan BIJANOV,

Fılosofııa, saıasattaný jáne dintaný ınstıtýtynyń dırektory,  UǴA korrespondent-múshesi, saıası ǵylymdarynyń doktory, professor

ALMATY