Sońǵy segiz aıda eldiń ishki jalpy ónimi 3 paıyzǵa tómendedi. Bul týraly Úkimet otyrysynda Ulttyq ekonomıka mınıstri Rýslan Dálenov aıtty, dep habarlaıdy Egemen.kz.
Qańtar-tamyz aılary aralyǵynda eldiń áleýmettik-ekonomıkalyq damý qorytyndysy týraly esep bergen mınıstrdiń aıtýynsha, ekonomıkanyń naqty sektorynda ósim baıqalýda. Olar - qurylys, aýylsharýashylyǵy jáne óńdeý ónerkásibi.
"Daıyn taýarlar eksportynyń ulǵaıýy baıqalady. Jyldyq ınflıasııa 7 prosentke deıin báseńdedi. Taýarlar óndirisi 1,7 paıyzǵa ósti, sonymen qatar kórsetiletin qyzmetter 6,1 paıyzǵa qysqardy. Nátıjesinde jalpy ishki ónim 3 paıyzǵa qysqarǵan", - dedi ol.
О́ndiristik sektor salalarynda, onyń ishinde qurylys 6,5 %, aýylsharýashylyǵy 4,9 % jáne óńdeý ónerkásibi 3,3 % ósý kórsetti.
"Naqty sektor básekege qabilettiliktiń jaqsy nátıjesin kórsetýde. Máselen esepti kezeńde mashına jasaý, 51 paıyzǵa, farmasevtıka 34,1 paıyzǵa, daıyn metaldar óndirisi 38,8 paıyzǵa artqan. Esepti kezeńde Qazaqstan álemniń 105 eline taýar eksporttady. Avtomobıl eksporty 7 paıyzǵa, kúnbaǵys maıy 74 paıyzǵa artqan", - dedi mınıstr.