Búgin Shymkent qalasynyń ákimi Murat Áıtenov kórnekti jazýshy, halyqaralyq "Alash" ádebı syılyǵynyń laýreaty Marhabat Baıǵutty qabyldady, dep jazady Egemen.kz
Shahar basshysy qalamgerdi 75 jasqa tolǵan mereıtoıymen quttyqtap, ult ádebıeti men mádenıetin damytý, qoǵamdyq sanyny kemeldendirý, jas urpaqtyń boıyna izgilik pen otanshyldyq sezimin sińirý jolyndaǵy eseli eńbegi úshin alǵys aıtty.
– Siz týǵan ólkeńizden alshaqtamaı-aq ońtústik óńirde ózindik ádebı orta qalyptastyrdyńyz. Qoǵamdyq isterge belsene aralasa júrip, qasıetti Túrkistan men shyraıly Shymkenttiń rýhanı-mádenı turǵyda órkendeýine qomaqty úles qostyńyz. Sizdiń "Daýystyń túsi", "Náýrizek", "Sert pen senim", "Mashattaǵy mahabbat", "Qozapaıa" syndy kóptegen týyndylaryńyz qalyń oqyrmannyń ystaq yqylasyna bólengen, – dedi Murat Dúısenbekuly.
M.Áıtenov qala turǵyndary atynan mereıtoı ıesine zor densaýlyq, shyǵarmashylyq tabys pen otbasyna amandyq tiledi. О́z kezeginde jazýshy qala ákimine alǵys aıtyp, Shymkentti kórkeıtý jolyndaǵy qyzmetiniń jemisti bolýyna tilektestigin bildirdi.
Aıta keteıik, Marhabat Baıǵuttyń shyǵarmalary "Qazaq prozasynyń antologııasyna" enip, álemniń 93 memleketine taraǵan.