Almaty oblysynda Islam Damý Bankiniń qarajaty esebinen ırrıgasııalyq jelilerdi qaıta qurý, 10 sý nysandaryn kúrdeli jóndeý nátıjesinde jyl sońyna deıin 20 myń gektarǵa jýyq sýarmaly jerdi qalpyna keltirý josparlanyp otyr, dep habarlaıdy Egemen.kz Almaty oblysynyń baspasóz qyzmetine silteme jasap.
Jalpy, oblystyń 16 aýdanynda jobalardy júzege asyrý, 137,8 myń gektar sýarmaly jerdi qalpyna keltirý josparlanǵan.
Oblystyq aýyl sharýashylyǵy basqarmasynyń málimetteri boıynsha, oblysta 214 gıdrotehnıkalyq qurylys bar. Onyń 75-i sý qoımasy, 85-i toǵan, 21-i sý qoımasynyń bógeti bolsa, 33-i sý qabyldaıtyn sý sharýashylyǵy. Barlyq ırrıgasııalyq jelilerdiń uzyndyǵy 16,5 myń shaqyrymdy quraıdy.
2015 jyldan 2019 jylǵa deıin 33 sý nysanyn jóndeý-qalpyna keltirý jumystaryna jergilikti bıýdjetten 4,7 mıllıard teńge bólindi. Jóndeý jumystarynyń nátıjesinde 19,3 myń gektar sýarmaly jer qalpyna keltirildi. 2019 jyldan bastap oblysta Islam Damý Bankiniń qarajaty esebinen Aqsý, Alakól, Eskeldi, Kóksý aýdandaryndaǵy ırrıgasııalyq jelilerdi qaıta qurý boıynsha negizgi jobalar júzege asyrylýda. Jyl sońyna deıin Islam Damý Bankiniń qarajaty esebinen qaıta qurý úshin 10 sý nysanyn kúrdeli jóndeý nátıjesinde 20 myń gektarǵa jýyq sýarmaly jerdi qalpyna keltirý josparlanyp otyr. Jalpy, oblystyń 16 aýdanynda jobalardy júzege asyrý jáne 137,8 myń gektar sýarmaly jerdi qalpyna keltirý josparlanǵan.
Oblysta 81,8 myń gektar aýdany bar jańa sýarmaly jerlerdi aınalymǵa engizý maqsatynda sýarý jelilerin qaıta jańartý, qaıta salý, apatty sý qoımalary men toǵandaryn qalpyna keltirý josparlanǵan. Bıyl jumyspen qamtýdyń jol kartasy baǵdarlamasy aıasynda júzege asyrylǵan ınfraqurylymdyq jobalardyń tizimine úsh gıdrotehnıkalyq qurylystyń jobasy usynyldy. Atap aıtar bolsaq, Kóksý, Qaratal bógetteri men Panfılov aýdanynyń О́sek gıdroqurylymyn, 2 myń gektardan astam sýarmaly jerdi qalpyna keltirýge múmkindik beretin Taldyqorǵan qalasynyń ırrıgasııalyq jelilerdiń qurylys jobasyna 3 myń 662 mıllıon teńge bólindi. Qazirgi ýaqytta qurylys-montaj jumystary júrgizilýde. Sonymen qatar, PÝID-2 jobasy sheńberinde 12,4 myń gektar alqapta ınjenerlik-drenajdyq júıeni qalpyna keltirý kózdelýde. Bul Balqash aýdanynda 7 myń 481 gektar aýdany bar Aqdala sýarmaly massıvi men Eńbekshiqazaq aýdanynda 5 myń gektar aýdanyndaǵy Baltabaı massıvi.
Búginde Aqsý aýdanyndaǵy Qyzylaǵash sý qoımasyn 5,9 mıllıard teńgege qalpyna keltirý boıynsha jumys aıaqtaldy. Toqtatylǵan massıvtiń aýmaǵyn 6 myń 900 gektarǵa deıin arttyrý úshin jalpy sýarý jelilerin salýǵa jobalyq-smetalyq qujattama ázirlendi. Sonymen qatar, Sarqan aýdanyna qarasty Pokatılovskıı sý qoımasy qurylysynyń tehnıkalyq-ekonomıkalyq negizdemesi ázirlendi. Al Uıǵyr aýdanyndaǵy Suńqar jáne Tegermen sý qoımalarynyń tehnıkalyq-ekonomıkalyq negizdemesi jasalýda.