Kásipqoı boksshy Jánibek Álimhanuly (8-0, 4KO) aldaǵy bolatyn jekpe-jegine daıyndyq barysy qalaı ótip jatqanyn aıtty.
«Jekpe-jekke daıyndyq joǵary deńgeıde ótip jatyr. Chempıondyq tıtýlǵa jaqyndap qaldyq. Buıyrtsa 64 raýnd sparrıng qaldy. Barymyzdy salyp jatyrmyz», dep jazdy orta salmaqtaǵy kásipqoı boksshy Instagram-daǵy paraqshasynda.
J.Álimhanuly tanymal bapker Djeıms Makgırttiń jetekshiligimen Kalıfornııada jattyǵady. Onyń kelesi jekpe-jegi qazan aıynda ótedi dep josparlanýda.
Aıta keteıik, otandasymyz sońǵy aıqasyn ótken jyldyń qarasha aıynda AQSh-tyń Kalıfornııa shtatynda ótkizdi. Ol kanadalyq boksshy Albert Onolýnosti (24-3-1, 8 KO) altynshy raýndta nokaýtqa jibergen bolatyn.