Elbasy Ulttyq bank tóraǵasy Erbolat Dosaevty qabyldady, dep habarlaıdy Egemen.kz Elbasynyń baspasóz qyzmetine silteme jasap.
Kezdesýde Nursultan Nazarbaevqa pandemııa jaǵdaıyndaǵy álemdik ekonomıkanyń damýyna baılanysty jáne Qazaqstannyń saýda-ekonomıkalyq seriktesteriniń naryqtaryndaǵy jaǵdaıǵa qatysty boljamdar tanystyryldy.
Sondaı-aq, Qazaqstannyń Tuńǵysh Prezıdentine qarjy naryǵyndaǵy jaǵdaı men eldegi aqsha-nesıe saıasatyn júzege asyrý barysy týraly aqparat berildi.
"Qarjy naryǵyndaǵy jaǵdaı turaqty. Bıylǵy segiz aıda ınflıasııa jeti paıyzǵa jetti. Bul kórsetkish biz boljap otyrǵan deńgeıde tur. Bazalyq mólsherlemeni toǵyz paıyz deńgeıinde saqtap qaldyq", dedi E.Dosaev.