Qostanaı oblysynda turǵyndarǵa tumaýǵa qarsy ekpe jasaý naýqany bastaldy.
Densaýlyq saqtaý basqarmasynyń málimetinshe, bul maqsatta Reseıden 60 mln teńgege 70 myń «Grıppol» vaksınasy ákelinip, oblystyń emdeý mekemelerine taratylyp berilgen. Medısına qyzmetkerlerine, D-esebine tirkelgen balalarǵa, múmkindigi shekteýli azamattarǵa, zeınetkerler men memlekettik mekemelerdiń qamqorlyǵyndaǵy adamdarǵa, sondaı-aq indet belgileri anyqtalǵan naýqastarǵa tegin ekpe jasalady.
Basqarma ókilderiniń aıtýynsha, aldyn ala tumaýǵa qarsy saqtyq sharalaryn qabyldap, ımmýnıtetin kótergisi keletin turǵyndar ózderi tirkeýde turǵan jergilikti emhanalarǵa barýy tıis.
Sondaı-aq oblys turǵyndary qyrkúıektiń on besinen bastap ózine qolaıly nemese turǵylyqty mekenine jaqyn ornalasqan emhanany óz qalaýy boıynsha tańdap, sol jerge qaıta tirkeýge tura alady. Ol úshin úıden shyǵýdyń qajeti joq. Elektrondy sıfrly qoltańbany paıdalana otyryp, eGov veb-portaly arqyly qalaǵan emhanaǵa tirkelýge bolady. Turǵyndardy tirkeý kompanııasy qarasha aıynyń on besine deıin jalǵasady.
– Qostanaı oblysynyń turǵyndary qalaýyna qaraı alǵashqy medısınalyq-sanıtarlyq kómek kórsetetin kez kelgen medısınalyq mekemege tirkeýge tura alady. Qostanaı qalasynyń ózinde mundaı 4 memlekettik emhana, 3 jekemenshik mekeme bar, – dedi densaýlyq saqtaý basqarmasynyń baspasóz hatshysy Ksenııa Jylqybaeva.
Qostanaı oblysy