Qostanaı polıseıleri 14 velosıped urlaǵan kúdiktini ustady. Buryn sottalǵan 34 jastaǵy er adam qaraýsyz qalǵan kólik quraldaryn túnde torýyldap júrip turǵyn úılerdiń kireberisinen aıdap áketip otyrǵan, dep habarlaıdy Egemen.kz.
"Sońǵy bir-eki aı ishinde velokóligin urlatqan turǵyndardan túsken shaǵym jıilep ketti. Aldyna ala izdestirý sharalarynyń nátıjesinde jedel ýákilder 34 jastaǵy kúdiktini ustady. Onyń 14 velokólik urlaǵany dáleldenip otyr. Ol velosıpedterdi birden satyp jiberip otyrǵan. Kólik quraldaryn satyp alǵan adamdar da anyqtaldy. Biz bıyl velosıpedterdi tańbalaýǵa, ıaǵnı árbir jeńil kólik quralyna arnaıy qurylǵy arqyly jeke nómirlik belgi qoıýǵa kóshtik. Bul velosıped urlyǵyn ashýdy edáýir jeńildetedi. О́tken jyly bazaǵa engizilgen 550-den birde-bir velosıped urlanǵan joq. Bul másele boıynsha kez kelgen adam polısııa basqarmasyna júgine alady jáne 10 mınýt ishinde onyń kóligine jeke nómir jazylady. О́zińizben birge jeke kýáligińiz bolýy kerek", deıdi Erbol Taıbekov.
Qazir kúdiktige qatysty barlyq zattaı aıǵaqtar alynyp, Qylmystyq kodekstiń 188-baby boıynsha qylmystyq is qozǵaldy.
Qostanaı oblysy