Elimizdiń Ekologııa, geologııa jáne tabıǵı resýrstar mınıstri Maǵzum Myrzaǵalıev barsha qazaqstandyqty senbilikke shaqyrdy, dep habarlaıdy Egemen.kz
"El boıynsha eriktiler, belsendiler, qoǵam ókilderi tabıǵı aýmaqtardy qoqystan tazartyp, aǵash otyrǵyzady. О́z aýlańyzdy, aınalańyzdaǵy saıabaqtar men sý arnalaryn, taǵy basqa oryndardy tazalaý arqyly aksııaǵa Siz de úles qosa alasyz", deıdi Ekologııa mınıstri óziniń Twitter-degi jazbasynda.
Maǵzum Myrzaǵalıevtyń aıtýynsha, jyl saıyn 19 qyrkúıekte búkil álemde World cleanup Day aksııasy ótedi. Mıllıondaǵan adam qoǵamdyq oryndardy qoqystan tazartý úshin senbilikke shyǵady. Byltyr shara 169 eldiń azamatyn biriktirgen.
"Barlyq qazaqstandyqtardy senbi kúni osynaý aýqymdy sharaǵa belsendi qatysýǵa shaqyramyn!", deıdi Maǵzum Myrzaǵalıev.