Aqtaýda "Dúnıejúzilik tazalyq kúni" 19 qyrkúıekte tańǵy saǵat 10:00-de bastaldy, dep habarlaıdy Egemen.kz.
Oblys boıynsha tazalaý jumystaryna 1250 erikti qatysty. Onyń ishinde 580 memlekettik qyzmetshi, 430 volontıor, 240 beı-jaı qaramaıtyn turǵyndar, al jınalǵan qoqys bolsa 115 tonnadan asyp tústi. Onyń 15 - shyny, 42 - plastık, 24 - rezeńke, 27 - qaǵaz, sonymen qatar 7 tonna metall óńdeýge berildi.
Mańǵystaý oblysynyń ekologııa departamenti men oblystyq tabıǵı resýrstar jáne tabıǵat paıdalanýdy retteý basqarmasy "Kishi oımashy" aýmaǵyn tazalaýǵa shyqqan aksııa qatysýshylaryn jeke qorǵanys quraldarymen, sonyń ishinde antıseptıktermen, qolǵaptarmen, betpepdelermen, qoqysqa arnalǵan arnaıy pakettermen jáne t.b. qamtamasyz etti. Tazalyq aksııasyna kez-kelgen adam qatysa aldy. ÚEU jáne qoǵamdyq uıymdardyń belsendi ókilderiniń arasynda "Eko Mańǵystaý", "Mańǵystaý tabıǵaty", "Ecojer" qaýymdastyǵy, "Nevada-Semeı" qozǵalysy, "Tabıǵı orta", "ECO Safari Aktau", volonterler jáne taǵy basqalaryn atap ótýge bolady.
"Jyl saıyn mıllıondaǵan adam Estonııada paıda bolǵan "Dúnıejúzilik tazalyq kúni " azamattyq aksııasyna belsendi qatysady. Qoǵamdyq jáne qoryq oryndaryn qoqystan tazartý sharalary álemniń 180-ge jýyq elinde júrgiziledi. Shette qalmaı, atalǵan is - sharany qoldaýǵa kelgenderdiń barlyǵyna alǵys aıtamyz", - deıdi Mańǵystaý oblysynyń ekologııa departamentiniń basshysy Rýslan Tókenov.
Dúnıejúzilik tazalyq kúni - bul eldiń álemdi qalaı ózgerte alatyndyǵynyń mysaly. Barlyǵy adamzattyń qolynda jáne qalaǵan nátıjege qol jetkizýge bolady. Eń bastysy - jaqsy jaqqa degen umtylystyń bary qýantady.
"Biz tazalyqqa bet alǵan mıllıondaǵan adamdardyń qataryndamyz. Osy aksııaǵa qatysa otyryp, biz óz qolymyzben ózgerister jasaı alatynymyzdy taǵy da dáleldedik. Ásirese eriktiler qozǵalysynyń qatysýshylarynyń belsendiligi erekshe qýantty", - deıdi Mańǵystaý oblysy tabıǵı resýrstar jáne tabıǵat paıdalanýdy retteý basqarmasynyń basshysy Dúısen Qusbekov.
Mine, osylaısha 13 jyl qatarynan mıllıondaǵan adamdar "World cleanup Day"iri aksııasyna qatysyp keledi. 2019 jyly bul shara 169 eldiń eriktilerin biriktirdi. Olar saıabaqtardy tazalap, ózenderdiń, kólderdiń jáne teńizderdiń jaǵalaryn turmystyq qoqystardan tazartýdy qolǵa alǵan.